ل دەڤەرا نەوسوود یا کرماشانا رۆژھلاتێ کوردستانێ، کۆلبەرەکێ کورد د بن بارێ خوە دا جان دایە.
ل گۆری راگھاندنا ھەنگاوێ، دۆھی 5ێ خزیرانێ ل زۆزانێن شۆشمێ ل ناحیا نەوسوود یا باژارۆکێ پاوە ل پارێزگەھا کرماشانێ یا رۆھلاتێ کوردستانێ، کۆلبەرەکی کوردێ ب ناڤێ وەھبی فەتاحی د بن بارێ خوە دا جان دایە.
ھاتە زانین کو ئەو کۆلبەر ژ بەر کو ب تەمەن بوو و بارێ وی ژی گران بوو، د بن باری دا دلێ وی راوەستایە و جان دایە.
وەھبی فەتاحی ژ گوندێ شۆشمێ یێ ناحیا نەوسوود بوویە و سالا 2019ێ ژی کورەکێ وی ب ناڤێ ئەشکان فەتاحی د دەما کۆلبەریێ دا ل ھەمان دەڤەرێ ژ بەر تەقینا مینێ بریندار بووبوو.
