ئیرۆ سالڤەگەرا بریارا رێڤەبەرییا سیاسییا ھەرێما کوردستانێ یا ژ بۆ ره‌فه‌راندۆمێ یه
ئیرۆ 4 سال ژ سەر سالڤەگەرا بریارا رێڤەبەرییا سیاسییا ھەرێما کوردستانێ، یا ژ بۆ برێڤەبرنا رەفەراندۆما سەرخوەبوونا کوردستانێ دەرباس بوو.
رۆژا 7ێ خزیرانا 2017ان، ب سەرپەرشتییا سەرۆک بارزانی رێڤەبەرییا پرانییا پارتیێن سیاسی و نوونەرێن پێکھاتەیێن ل باشوورێ کوردستانێ جڤیان.
د وێ جڤینا كو ل سەر داخوازا سەرۆک بارزانی پێکھات بوو، رێڤەبەرێن پارتیێن سیاسی و نوونەرێن پێکھاتەیێن کوردستانێ بریار دان، رۆژا 25/9/2017ێ رەفەراندۆما سەرخوەبوونا باشوورێ کوردستانێ پێک بێ.
رۆژا 25/9/2017ێ، وەک جەژن و کارناڤالەکە نەتەوی بوو ژ بۆ گەلێ کوردستانێ و گەل ل ھەموو باژار و باژارۆکان چوون سەر سندۆقا دەنگدانێ و پشتی ئەنجام ژی ھاتن ئەشکەرا کرن، سەدی 93 خەلکێ کوردستانێ دەنگ ژ بۆ سەرخوەبوونا کوردستانێ دان.
