رەژێما ئیرانێ د ناڤا باژارێ بۆکانێ دا زالگەهـ داناینە

جاش و پاسدارێن ئیرانێ کو چەکێ وەکو “بیکەیسی، دۆشکە و ئار بی جی” ب خوە را هلگرتنە د ڤان زالگەهان دا جی دگرن و ناسنامەیان ژ خەلکێ داخواز دکەن.

رەژێما ئیسلامی یا ئیرانێ د ناڤا باژارێ بۆکانێ یا سەر ب پارێزگەها ئۆرمیێ ل رۆژهلاتێ کوردستانێ، ب بکارئانینا جاش و پاسداران، کەشو هەوایەک ملیتاری یێ پڕ ب ترس دروست کریە.

چاڤکانیێن مەدیایی ل رۆژهلاتێ کوردستانێ ئاشکەرە کر، ئیرۆ رۆژا سێشەمی 8/6/2021ێ، دەمژمێر 6ێ سەرێ سپێدێ جاش و پاسدارێن رەژێما ئیسلامی یا ئیرانێ ل جاددەیا سەدەوە هاتینە د ناڤا باژارێ بۆکان دا و د ناڤا جاددە و کۆلانان دا هاتنە ب جیهـ کرن و خالێن کۆنترۆلێ داناینە.

ڤان جاش و پاسدارێن ئیرانێ کو چەکێ وەکو “بیکەیسی، دۆشکە و ئار بی جی” ب خوە را هلگرتینە د ڤان خالان دا جیهـ دگرن و ناسنامەیان ژ خەلکێ داخواز دکەن.