وەزارەتا ناڤخوە یا حکوومەتا هەرێما کوردستانێ داخویانیەک دەربارێ ئێریشێن چەکدارێن پەکەکێ ل سەر پێشمەرگە و پلانێن نوو یێن پەکەکێ ژ بۆی تێکدانا رەوشا ئاسایشا هەولێرا پایتخت بەلاڤکر.
د داخویانیا وەزارەتا ناڤخوە یا حکوومەتا هەرێما کوردستانێ دا هاتیە، پەکەکێ هندەک وەلاتیێن خوەدی ناسنامەیێن ئەورۆپایێ شاندینە ناڤا هەرێما کوردستانێ دا و دخوازیت وان وەکو ئامرازەک ژ بۆی تێکدانا ئارامیا هەرێما کوردستانێ د بن ناڤێ گرووپا ئاشتی و ئازادیێ دا بکار بینیت.
د بەشەکێ دی یێ داخویانیا وەزارەتا ناڤخوە دا هاتیە، پاراستنا ئارامی و سەقامگیریا ناڤا هەرێما کوردستانێ ب گشتی و هەولێرا پایتەخت خەتا سۆرە و رێ نادەین ل بن هیچ بەهانەیەکێ و ل بن ناڤێ هیچ گرووپەکی، ئەڤ ئارامیە تێک بچیت.
