فەرماندارێ گشتیێ ھێزێن سووریا دەمۆکراتیک هه‌سه‌دێ مەزلووم عەبدی راگه‌ھاند؛ نووچەیێن کو تێ گۆتن ھێزێن وان ناڤەندا باژارێ عەفرینێ تۆپباران کرنە، نە راستن و ئێریش شەرمەزار کر.
مەزلووم عەبدی ل سەر حه‌سابا خوە یا تویته‌رێ ل سەر ئێریشا ل عەفرینێ داخویانی دا و رەد کر کو ھێزێن وان ئێریشا ل دژی نەخوەشخانەیا شیفا یا عه‌فرینێ كر بیت.
فەرماندارێ هه‌سه‌دێ دبێژیت: ئەم ژ بەر جان ژدەست دانا کەسێن بێگونەھ گەلەک خەمگینن، ئەم ڤێ ئێریشێ شەرمەزار دكه‌ین، ئارمانج کرنا نەخوەشخانەیان بنپێکرنا یاسایا ناڤده‌وله‌تی یه.
هه‌ژماره‌كا تۆپان دوھ شەمبیێ ل ناڤەندا باژارێ عەفرینێ یێ رۆژئاڤایێ کوردستانێ کەتن، پارێزگارییا ھاتایێ راگه‌ھاندبوو د ئەنجاما وێ ئێریشێ دە 18 کەسان جانێ خوە ژ دەست دان و 42 کەسێن دن ژی بریندار بوون.
