پارێزگارییا باژارێ مووشێ یا باکورێ کوردستانێ، زۆزانێن هه‌رێمێ ل كۆچه‌رێن ئامه‌دێ قەدەغە کر و هێزا جه‌ندرمه‌یان ژ بۆ ده‌رخستنا وان ئه‌رك وه‌رگرتنه.
پارێزگارییا مووشێ ژ رۆژا 11 ڤێ مه‌هێ ڤه، بریارا قه‌ده‌غه‌یا زۆزانێن شێنێ ژ بۆی كۆچه‌ر و گوندیێن ئامه‌دێ و دۆربه‌را وێ ده‌ست پێ كرییه و راگه‌ھاند، ئەو دێ ب رێیا دەستوەردانا جەندەرمەیان بێنە دەرخستن.
ئەڤ بریار پشتی بریارا د رۆژنامەیا فەرمییا ترکیێ دا ل 20 ئادارێ ھاتبوو وەشاندن و ھەرێما زۆزانێن شێنێ یا گرێدایی ناڤچەیا پاسوورا ئامه‌دێ، ب باژارێ مووشێ ڤە ھاتبوو گرێدان، ھاتییە دایین.
پارێزگارییا مووشێ 11ێ خزیرانێ راگه‌ھاندییە کو زۆزانێن ل ھەرێما شێنێ، ل گوندی و کۆچەرێن د ناڤ سینۆرێن ئامه‌دێ دا دمینن ھاتییە قەدەغەکرن و پشتی وێ بریارێ ژی ب دەستوەردانا جەندەرمەیان کۆچەر ژ ھەرێمێ ھاتنە دەرخستن.
بارۆیا ئامه‌دێ ل سەر مژارێ لێکۆلین دایە دەست پێ کرن و دیار کر کو دەرخستنا کۆچەرێن ھەرێمێ ژ زۆزانێن شێنێ ب رێیا جەندەرمەیان و بریارا پارێزگاریێ پشتراست بوویە.
