په‌نابه‌ره‌كا كورد یا رۆژهلاتا كوردستانێ د رێیا ده‌رباسبوونا ژ بۆ یه‌ونانستانێ دا ب سه‌ده‌ما جه‌لتا دلی جانێ خوه ژ ده‌ست دا.
رێخستنا هه‌نگاو یا مافێن مرۆڤان یا رۆژهلاتا كوردستانێ ئه‌شكه‌ره كر، په‌نابه‌ره‌كا باژارێ سه‌رده‌شتێ ب ناڤێ میهری نه‌بیزاده كو ته‌مه‌ن 27 سالی یه، ل ده‌ما چووینا ژ بۆ یه‌ونانستانێ ب سه‌ده‌ما دوورییا رێكێ و ماندیبوونا وێ، نه‌خوه‌ش كه‌ت و پشتره و ب سه‌ده‌ما جه‌لتێ جانێ خوه ژ ده‌ست دا.
مێهری نه‌بیزاده ل گه‌ل هه‌ڤژین و دوو كه‌چێن خوه ب رێیا سینۆرێ تركیێ به‌ر ب یه‌ونانستانێ ب رێ كه‌تبوون، دوهـ رۆژا دووشه‌می 14/6/2021ێ، جه‌لتێ لێدایه و جانێ خوه ژ ده‌ست دایه.
ل گۆری ئامارێن رێخستنا هه‌نگاوێ، د 6 مه‌هێن رابووری ده، 11 په‌نابه‌رێن رۆژهلاتا كوردستانێ د رێیا یه‌ونانستانێ ده، جانێ خوه ژ ده‌ست دانه، 9 ژێ یێن سه‌رده‌شتێ بوون.
