ل باژارێ دەرسمێ یێ باکورێ کوردستانێ ئاگر ب دارستانان و گۆرستانەکێ کەت و پشتی چەند دەمژمێران ژ ھەولدانێ ئەو ئاگر ھات کۆنترۆل کرن.
ل باژارێ دێرسمێ ژ بەر سەدەمەکە کو نایێ زانین، ئاگر ب دارستانێن گوندێ چخەکێ کەت و د ئەنجامێ دا ژی 200 دۆنه‌مێن دارستانان شەوتین.
ژ بۆ ڤەمراندنا ئاگری، تیمێن شارەدارییا دێرسمێ و ھەروه‌ھا رێڤەبەرییا دارستانان یا وێ پارێزگەھێ یەکسەر چوونە جھێ ئاگر و پشتی چەند دەمژمێران ئەو ئاگر کۆنترۆل کرن.
د دەمێن دەرباسبوویی دا ژی ژ بەر ئۆپەراسیۆنێن ئارتێشا ترکیێ ل وێ ناڤچەیێ، گەلەک جاران ئاگر ب دارستانێن وێ پارێزگەھێ کەتییە، لێ سەدەمێ ئاگرێ ڤێ جارێ ھینا نایێ زانین و له‌کۆلینێن ل سەر وێ بوویەرێ ژی بەردەوامن.
