سوپایێ تركیێ ئه‌ڤرۆ ئه‌شكه‌ره كر، 9 چه‌كدارێن په‌كه‌كێ ل هه‌رێما باشوورێ كوردستانێ هاتنه كوشتن، هه‌روه‌ها هه‌په‌گێ گۆت، مه ژی 7 عه‌سكه‌ر جه‌زا كرینه.
وه‌زاره‌تا پاراستنا نه‌ته‌وی یا تركیێ ئه‌ڤرۆ ل حسابا خوه یا تویته‌ری نڤیساندییه، ل هه‌رێمێ ئۆپه‌راسیۆنا په‌نجا باز ل باكورێ ئیراقێ، 9 چه‌كدارێن په‌كه‌كێ د دوو ئێریشێن ژ هه‌ڤ جودا ده هاتنه كوشتن.
ل همبه‌ر ڤێ هه‌په‌گێ ئه‌ڤرۆ داخویانی دا و ئه‌شكه‌ره كر، گه‌ریلایێن وان ژی 7 عه‌سكه‌ر ل خواكوركی جه‌زا كرینه و بێی كو ببێژیت كانێ هاتینه كوشتن یان بریندار كرن.
ده‌م بۆ ده‌می سوپایێ تركیێ و هه‌په‌گه ئامارا زیانێن گیانی یێن هه‌ڤ به‌لاڤ دكه‌ن، لێ به‌لێ هه‌ردوو ئالی راست نابێژن و ڤان ئاگاهییان وه‌كی شه‌ره‌كێ ده‌روونی ل دژی هه‌ڤ به‌لاڤ دكه‌ن، د ڤێ ناڤبه‌رێ دا، ته‌نێ خه‌لكێ باشوورێ كوردستانێ زیانا شه‌رێ په‌كه‌كێ و تركیێ دده‌ت.
