ھەروەکی تێ زانین د 17ێ خزیرانا سالا 2021ێ دا، ئاڤاھیا شاخا ئیزمیرا ھەدەپێ کەتبوو بەر ئێریشێ و ئەنداما ھەدەپێ ب ناڤێ دەنیز پۆیراز ھاتبوو کوشتن. ھەموو کوردان، کەسێن دەمۆکرات و ئاشتخواز، ئێریشا هەنێ یا ھۆڤ مەحکوم کر و داخواز کرن، کو ھەمو ئالیێن ئێریشا هەنێ ئەنجامدای بهێنە ئەشکەرە کرنێ.
د ڤێ دەمێ دا دوھی (18/6/2021) ئاڤاھیا ئاکەپێ ل باژارۆکێ ھانی یا سەر ب ئامەدێ کەتە بەر ئێریشێ. ئارمانجا ئێریشا هەنێ یا ئاژاوەگەرییێ، بێ نرخ و بێ باندۆر کرنا وان بەرتەکان بوو کو دەربارەیێ کوشتنا دەنیز پۆیراز دا ھاتبوو نشان دان. دڤێت ئەم خوە ژ ھەر جورەیێ کار و کریارێن، کو خەباتا مە یا ئازادی و دەمۆکراسیێ لەکەدار دکەت، دور بێخین. ژ بەر کو کارێن ب ڤی رەنگی ئاژاوەگەرییە و خزمەتا دەستهەلاتا ترکیا دکەت.
ئەم بانگا ھەمو ھێزێن وەلاتپارێز و دۆمۆکرات و ئاشتیخوازان دکەین، کو ل ھەمبەر ئێریشان، کو رۆژ ب رۆژ زێدەتر دبن، مل بدەنە ھەڤودو.
رۆژ رۆژا یێکتیێ یە، رۆژا بەرخوەدانا ئێریشێن داگیرکەر و کۆلۆنیالیستانە.
وەرن ئەم پلان و خەون و خەیالێن کرێت و خویناوی یێن نەیارا پووچ بکەین.
19/6/2021
پەسەکە- پارتیا سۆسیالیستا کوردستان
