ئەنجوومەنا نشتمانییا کوردی ل سووریێ ئهنهكهسێ داخویانیا سەرۆکێ ھەڤپەیمانییا ئۆپۆزیسیۆنا سووریێ نەسر ھەریری رەد كر و راگه‌هاند، داخوازییا حەریری ل دژی ئارمانجێن شۆرەشا سووریێ یە.
سەرۆکێ ھەڤپەیمانییا ئۆپۆزیسیۆنا سووریێ نەسر حەریری بەری چەند رۆژان ل ستەنبۆلێ د کۆنفەرانسەکێ رۆژنامەڤانی دا داخواز ژ سەرۆکۆمارێ ترکیێ رەجەب تەیب ئاردۆگان کربوو، دەستوەردانەکا لەشکەری د منبجێ و تل رفعه‌تێ دا بکەت و ھێزێن یه‌په‌گێ و هه‌سه‌دێ ژ وان ھەردوو باژارۆکان ده‌ربێخیت.
د وێ دەربارێ دا سەکرەتەرییا گشتییا ئهنهكهسێ ئیرۆ د داخویانیەکێ دا بەرسڤا نەسر حەریری دا و راگه‌ھاند، داخوازا سەرۆکێ ئیتیلافێ نەسر حەریری یا دەستوەردانا ترکیێ د ھەرێمێن سووریێ دا، بنپێکرنا سەروەرییا سووریێ و زێدەگاڤییا ل سەر پره‌نسیپێن شۆرەشا سووریێ یە و زیانێ دگه‌هینیت په‌یوه‌ندیێن د ناڤبەرا پێکھاتەیێن ئیتیلافێ دا.
ھەروھا سەکرەتەرییا ئهنهكهسێ رادگه‌ھینیت، ئەڤ داخوازا حەریری ل دژی ئارمانجێن ئازادییا گەلێ سووریێ و پاراستنا ئارامیێ یە.
ھەروھا سەکرەتەرییا ئهنهكهسێ گۆت: ئەڤ داخویانیا حه‌ریری، تەنێ نێرینا وی یا کەسایەتی یە و ئەنجوومەنا نشتمانییا کوردی ل سووریێ وێ داخوازا وی رەد دکەت.
