چه‌كدارێن په‌كه‌كێ ئیرۆ هێرشا گونده‌كێ پارێزگه‌ها سلێمانیێ كر و گوللـه به‌ردانه وه‌لاتییان و یه‌ك بریندار كر.
چه‌كدارێن رێخستنا په‌كه‌كێ، ئیرۆ رۆژا پینجشه‌مبی 24/5/2021ێ هێرشا گوندێ ب ناڤێ شێنێ یێ سنۆرێ ناڤچه‌یا پشده‌رێ گرێدای پارێزگه‌ها سلێمانیێ كر، چه‌كدارێن په‌كه‌كێ هه‌ول دانه ده‌رباسی ناڤا گوندی ببن و باجێ ژ خه‌لكێ گوندی بستینن، ب وێ سه‌ده‌مێ شه‌ر ل نێڤبه‌را وان و خه‌لكێ گوندی چێبوو.
پاش كو خه‌لكێ گوندی رازی نه‌بووی باجێ بدن په‌كه‌كێ، چه‌كداران گوللـه به‌ردانێ و وه‌لاتیێ ب ناڤێ عه‌بدوللا حه‌مه‌د ئیسماعیل بریندار بوویه.
هێژای گۆتنێ یه، رێخستنا په‌كه‌كێ ژ بۆ دابینكرنا په‌ره‌یان، باجێ ژ وه‌لاتی كاسبكار و خوه‌دیێن په‌ز دستینه و هه‌روه‌ها په‌ره‌یان ژ تجاره‌تا هشبه‌رێ ژی ب ده‌ست تێخه، ئه‌ڤ یێك ژ هێلا ئێنته‌رپۆلێ و یۆرۆپۆلێ ڤه هاتییه ته‌سبیت كرن.
