یەک ژ ولاتیێن خەلکێ مەریوانێ کو ل نێزیکی سنۆری مژوولی چەراندنا سەوالێن خوە بوو، ب گولـلەیێن راستەراست یێن چەکدارێن کۆمارا ئیسلامی یا ئیرانێ ڤە هات کوشتن.
چاڤکانیێ مەدیایی ل رۆژهلاتێ کوردستانێ ئاشکەرا کرن کو ئیرۆ رۆژا پێنجشەمبی 24/6/2021ێ، ھەموەلاتیێ خەلکێ گوندێ ئەسکۆلێ ژ باژارێ مەریوانێ یێ ب ناڤێ محەمەد حوسێنی (مینوویی)یێ تەمەن 23 سالی و کورێ وی کەمال د دەما چەراندنا سەوالێن خوە دا راستەراست ژ ئالیێ ھێزێن ئیرانێ ڤە ھاتنە گولـلەباران کرن.
خەلکێ ناڤچەیێ ئاماژە ب ڤێ یەکێ کریە کو ھێزێن بنکەیا لەشکەری یا کانی کەوگ یا مەریوانێ بێیی کو هیچ جوورە ئاگاھداریەکێ ل بدەنە وی و د مەسافەیەکا نێزیک دا ئەو شڤانێ کورد دایە بەر گولـلەیان و ئەو کوشتیە.
ل گۆری ئامارێن رێخستنێن تایبەت ب مافێن مرۆڤ ل رۆژهلاتێ کوردستانێ، ژ دەستپێکا سالا 2021ێ حەتا نھا ھەری کێم 8 ھەموەلاتیێن سڤیل ل باژارێن جودایێن رۆژھلاتێ کوردستانێ ب گولـلەبارانکرنا راستەراست ژ ئالیێ ھێزێن چەکدارێن ئیرانێ ڤە ھاتنە کوشتن.
