ل چه‌ند رۆژێن رابووری د بوویه‌رێن شه‌واتێ ده كو گوندێن دۆربه‌را باژارێ مه‌هابادێ یێ رۆژهلاتا كوردستانێ كه‌تنه، 30 هێكتار زه‌ڤیێن چاندنیێ شه‌وتین.
ل گۆری ئاگاهیێن ده‌ستێ مه، د چه‌ند رۆژێن رابووری ده، شه‌وات ب زه‌ڤیێن چاندنیێن یێن گوندێ ب ناڤێ ئازاد سه‌ر ب ناڤچه‌یا مه‌حالی یا باژارێ مه‌هابادێ ل رۆژهلاتا وه‌لات كه‌تنه، نێزی 30 هێكتار زه‌ڤیێن گه‌نم شه‌وتینه، ئه‌و بوویه‌ر ل ده‌مه‌كێ پێكهاتییه به‌ریا مه‌هه‌كێ جۆتكارێن گوند سازیێن حكوومه‌تا ئیرانێ ژ بوویه‌رێ شه‌واتێ هایدار كربوو.
هێژای گۆتنێ یه، هه‌ر سال د وه‌رزێ هاڤینێ ده، ب سه‌دان هێكتار زه‌ڤیێن گه‌نم، دارستان و باخێن جۆتكارێن رۆژهلاتا كوردستانێ دبن قوربانی بوویه‌رێن شه‌واتێ و ب ڤێ سه‌ده‌مێ به‌شه‌كا هه‌ری مه‌زن یا سروشتێ رۆژهلات ژناڤچوویه.
ل گۆری گۆتنا جۆتكاران، هنه‌ك ژ ڤان بوویه‌ران ب ئه‌نقه‌ست ژ هێلا هێزێن ره‌ژیما ئیرانێ تێن چێكرن.
