ب سه‌ده‌ما ھشکەسالیێ، ئاڤا گۆلا بەنداڤا ئیلیسوویێ ب قاسی 30 مەتران کێم بوو، پشتی ئاڤ کێم بوو، ھنده‌ك ئاڤاهیێن دیرۆکی یێن د بن ئاڤێ دا مابوون، جاره‌كا دی خوه‌یا کرن.
ژ بەر گۆلا بەنداڤا ئیلیسوویێ کو پاشی ناڤێ فەیسەل ئەرۆگلوو لێ ھات کرن، ب سه‌ده‌ما شەرت و مەرجێن ئاڤ و ھەوای و گوھەرین و ھشکەسالیێ، ھنده‌ك ئاڤاھیێن دیرۆکی یێن د بن ئاڤێ دا مابوون خوه‌یا کرن، ئاڤا گۆلا بەنداڤێ ب قاسی 30 مه‌تران کێم بوویه.
ئاکتڤیستێ ئەکۆلۆژیێ ردوان ئایھان، دیار کر کو ئاڤا بەنداڤێ ب قاسی 30 مه‌تران کێم بوویە و ژ به‌ر ڤێ دەڤەرێن دیرۆکی جاردن خوه‌یا کرینە.
ئایھان، ئانی زمان کو مزگەفتا کۆچێ یا 650 سالی کو منارەیا وێ ھاتبوو ڤەگوھاستن و پاشێ سەر وێ ب بەتۆنێ ھاتبوو گرتن و کەلەھا حەسکیفێ یا بچووک پشتی کێمبوونا ئاڤێ خویا کرنە و دبیت کو دەڤەرێن دیرۆکی زرارێ ببینن.
ئایھان، دەستنیشان کر کو ھنده‌ك شکەفت و خانیێن د بن ئاڤێ دا مانە ژی خویا کرینە.
ئایھان، دیار کر کو ل گەل ھەموو ھشیارییان ژی ھنده‌ك کەسان ده‌ستوه‌ردان د خوەزایێ دا کرینه و حەسکیفێ د بن ئاڤێ دا ھشتنە، لێ بەلێ خوەزایێ ب ڤی ئاوایی بەرسڤەکا توند دایە ڤان کەسان.
