باله‌فرێن جه‌نگێ یێن ده‌وله‌تا تركیێ لڤ و ته‌ڤگه‌رێن چه‌كدارێن په‌كه‌كێ ل چیایێ خێرێ بۆردۆمان كر و ب سه‌ده‌ما هێرشێ ئاگر ل چیایێ ناڤبووری چێبوویه.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئه‌ڤرۆ رۆژا شه‌مبی 26/6/2021ێ، باله‌فرێن جه‌نگێ یێن ده‌وله‌تا تركیێ لڤ و ته‌ڤگه‌رێن چه‌كدارێن په‌كه‌كێ ل چیایێ خێرێ گرێدای پارێزگه‌ها دهۆكێ بۆردۆمان كر و هه‌ژماره‌كا رۆكێتان لێداینه.
ده‌ست نیشان كر، هێرش ل ده‌مژمێر 8:20ێ شه‌ڤێ پێكهاتییه و باله‌فران رۆكێت ل نوقته‌یێن په‌كه‌كێ ل چیایێ خێرێ ل هنداڤا گه‌لیێ ره‌زا خستنه كو دبیته ئاقارێ گوندێ مێرسیدا باراندینه.
هێژای گۆتنێ یه، گوندێ مێرسیدا گرێدای ناڤچه‌یا ئه‌تریشێ یه ل ده‌ڤه‌را مزیرییا و لڤ و ته‌ڤگه‌رێن په‌كه‌كێ ل رۆژێن رابووری ل چیایێ خێرێ زێده‌بووینه.
