ره‌ژیما ئیرانێ كورده‌كێ دن ب ئیدیعایا بازرگانییا ماده‌یا هشبه‌رێ دارڤه‌كر، ئه‌ڤ جه‌زا ئیرۆ سه‌رێ سبه‌هێ ل زیندانا ناڤه‌ندی ئا مه‌هابادێ هاتییه جی ب جی كرن.
رێخستنا هه‌نگاو یا مافێن مرۆڤان یا رۆژهلاتا كوردستانێ ئه‌شكه‌ره كر، ئیرۆ رۆژا چارشه‌می 30/6/2021ان، ل زیندانا ناڤه‌ندی یا مه‌هابادێ، جه‌زایێ دارڤه‌كرنێ ل سه‌ر هه‌مولاتیێ كورد محه‌مه‌د تاهر سوله‌یمانی جی ب جی كر.
ده‌ست نیشان كر، محه‌مه‌د تاهر كو ته‌مه‌نا وی 65 سالی یه، ئیرۆ سه‌رێ سبه‌هێ ب ئیدیعایا بازرگانییا ماده‌یا هشبه‌رێ هات دارڤه‌كرن.
هێژا گۆتنێ یه، ژ سه‌رێ سالا كوردی ڤه، ئانگو ل 100 رۆژێن رابووری، ره‌ژیما ئیرانێ 8 هه‌مولاتیێن كورد دارڤه‌كرنه.
