خورتەکێ رۆژئاڤا ل ژێر ئیشکەنجەیێن پەیەدێ دا شەهید بوو

خورتەکێ رۆژئاڤا ل ژێر ئیشکەنجەیێن پەیەدێ دا شەهید بوو

خورتەکێ رۆژئاڤایێ کوردستانێ ب ناڤێ «ئەمین عیسا» کو ئەندامێ پەدەکە-سووریێ بوو، ل ژێر ئیشکەنجەیێ و د زندانێن لەشکری یێن پەیەدێ دا هات شەهیدکرن.

سازیێن مەدیایی ل رۆژئاڤایێ کوردستانێ ئاشکەرا کرن، پشتی کو ئەمین عیسا ل 22 گولانا رابووری دا ژ ئالیێ چەکدارێن پارتیا یەکیتیا دەمۆکراتیک ڤە ھاتبوو خواستن و بنچاڤکرن و ژ بۆ گرتیگەھا سەردۆزگەریا لەشکەرییا سەر ب پەیەدێ ڤە ھاتبوو ڤەگوھاستن، د گرتیگەھێن پەیەدێ دا راستی ئیشکەنجەیێن ھۆڤانە ھات و د بن ئیشکەنجەیێ دا ھاتە شەھیدکرن.

خورتەکێ رۆژئاڤا ل ژێر ئیشکەنجەیێن پەیەدێ دا شەهید بوو

د ڤێ دەربارێ دا پارتیا دەمۆکراتا کوردستانێ – سووریا (پەدەکە-س) شەھیدکرنا ئەندامێ خوە د گرتیگەھێن پەیەدێ دا ب توندی شەرمەزار کر و راگھاند، “پێکانینا ڤێ تاوانا کرێت د ڤی دەمی دا کو ھەولدانێن ناڤدەولەتی و ئامەریکی ژ بۆ دوبارە دەستپێکرنا دانووستاندنێن یەکرێزیا ھەلوەستا کوردی ھەنە، پەیامەکا نەرێنی و خراپە ژ ئالیێ رێڤەبەریا خوەسەرا سەر ب پیدێ ڤە.”

د داخویانیا کۆمیتا ناڤەندییا پەدەکە-سێ دا ھاتیە: “پشتی پشکنینا بەدەنێ (ئەمین عیسا) و ل گۆر راپۆرتا بزیشکی، شۆپێن ئیشکەنجەیا ھۆڤانە و شکەستنێ ل ھەموو بەدەنێ وی ھەنە، ب ئاموورێن گران ل چۆک و ستویێ وی ھاتیە خستن و پشت سەرێ وی و پشتا وی ب زەیتا گەرم ھاتیە شەوتاندن.”

خورتەکێ رۆژئاڤا ل ژێر ئیشکەنجەیێن پەیەدێ دا شەهید بوو

د داخویانیێ دا ھات ژی: “ئەم وەک کۆمیتا ناڤەندییا پەدەکە-سێ د دەما کو ئەم ڤی کارێ ھۆڤانە ب توندی شەرمەزار دکەین، داخوازێ ژ ئالیێ ئامەریکی وەک سەرپەرشتکار و گەرەنتیکارێ دانووستاندنێن یەکرێزیا کوردی دکەن کو ب ئەرکێ خوە رابیت و ڤان کریار و تاوانان راوەستینیت. ھەروھا داخوازێ ژ رێخستنێن ناڤدەولەتی یێن مافێن مرۆڤان دکەین دەستوەردان و لێکۆلینێ د ڤێ تاوانا کرێت دا بکەن و تاوانبار و کوژەرێن کو ئەڤ تاوانە ئەنجامدای دیار بکەن و بدەنە دادگەھەکا ئاشکەرا و ب چاڤدێریا ناڤدەولەتی.”

د داویا داخویانیێ دا ھاتیە ژی: “ئەڤ تاوانە ل دژی بەلگەیێن ناڤدەولەتی و نرخێن مرۆڤاتیێ نە و ئەم تەکەز دکەین کو راپۆرتێن سەختەیێن ژ ئالیێ بەرپرسێن پەیەدێ ڤە دەردکەڤن، ئارمانج ژێ ئەوە کو راستیێن ڤێ تاوانێ و تاوانباران ڤەشێرن.”

پشتی پارڤەکرنا وێنەیێن بەدەنێ ڤی خورتێ رۆژئاڤا کو ب ئاوایەک وەحشیانە و هۆڤ هاتبوو ئیشکەنجەکرن، رێڤەبەریا خوەسەر و پەیەدێ راگهاند کو ئەڤ یەک دوورە ژ راستیێ و چ ئیشکەنجە ل وی خورتێ کورد نەهاتنە کرن و وێنەیێن هاتیە پارڤەکرن نە راستن.

خورتەکێ رۆژئاڤا ل ژێر ئیشکەنجەیێن پەیەدێ دا شەهید بوو

ژ ئالیێ خوە ڤە مالباتا شەهید ئەمین عیسا راگهاند کو ژ بۆ ئیسباتکرنا دەرەوێن رێڤەبەریا خوەسەر و پەیەدێ ئەو ئامادەنە جەنازەیێ کورێ خوە ژ قەبری بینن دەر و ژ بۆ هەر کەسەکێ بەرچاڤ بکەن، داکو هەر کەس بزانیت پەیەدە دەرەوان دکەت و دەستهلاتەکا دیکتاتۆر و ستەمکارە.

ئەڤ یەک د دەمەکێ دا پێک هات کو پێش نها پەیەدێ وەکو باسکێ پەکەکێ ل رۆژئاڤایێ کوردستانێ گرتنا هندەک کەسێن کو خوە ل باشوورێ کوردستانێ ل بن ناڤێ چالاکڤان و رۆژنامەڤانان ڤە ڤەشارتبوو پرۆتەستۆ کربوو، هەرچەند کو ئەڤ کەسانە ب بریارا دادگەهێ هاتبوون گرتن و د زندانێ دا هیچ ئیشکەنجەیەک ل وان نەهاتبوو کرن و ئیتیراف ب ڤێ یەکێ کربوو کو ژ بۆ پەکەکێ سیخوری دکر.

پوستێن ھەمان بەش