چەکدارەکێ یەپەگێ تەقە ل فەرماندارێ گشتی یێ یەپەگێ ل عەین عیسا کر و رەڤیا

چەکدارەکێ یەپەگێ تەقە ل فەرماندارێ گشتی یێ یەپەگێ ل عەین عیسا کر و رەڤیا

یەک ژ چەکدارێن یەپەگێ گولـلە بەردان فەرماندارێ گشتی یێ یەپەگێ ل هەرێما عەین عیسا و پشتی فەرماندارێ خوە بریندار کری رەڤیا.

چاڤکانیێن پێگەها دارکا مازی ل رۆژئاڤا کوردستانێ ئاشکەرا کر، ل رۆژا 14/6/2021ێ، جەمیل کۆبانی یێ بەرنیاس ب جەمیلێ کۆر، فەرماندارێ گشتی یێ یەپەگێ ل هەرێما عەین عیسایێ ل پارێزگەها رەقایێ، سەرەدانا باژارۆکێ منبج یێ سەر ب پارێزگەها حەلەبێ کریە، ل وڕ یەک ژ چەکدارێن یەپەگێ ب ناڤێ حسەین گولـلە بەردانە وی و پشتی کو ئەو بریندار کری رەڤییا و خوە وەندا کر.

چاڤکانیێن مە هەر وەها ئاشکەرا کر، ژ بەر کو جەمیلێ کۆر، فەرماندارێ گشتی یێ یەپەگێ ل عەین عیسا، دەست دانایە سەر مال و مولکێ خەلکێ ناڤچەیێ و گەلەک زولم و ستەم ل خەلکی کرنە، هەر ووسا گەلێ ناڤچەیێ گەلەک ئێشاندنە، ڤی چەکدارێ یەپەگێ تەقە ل وی کریە و ئەو ژ لایێ لنگێ وی ڤە بریندار کریە.

هات زانین پشتی ڤێ بوویەرێ و رەڤینا حسەین، هێزێن ئەولەکاریا پەیەدێ چوونە سەر مالا حسەین و هەڤژین، دایک و بابێ وی دەستەسەر کرنە و ئەو ئیشکەنجە کرنە.