چووبوون ره‌ڤاندییان رزگار بكن، هاتن قه‌تل كرن

رێخستنا ته‌رۆرێ یا داعشێ ل گونده‌كێ ناڤچه‌یا جه‌له‌ولایێ ئێریشا شێنیێن گوند كر، 5 ژێ قه‌تل كرن و دوو بریندار كرن.

پاش كو دوهـ ئێڤارێ 4 هه‌مولاتیێن گوندێ قه‌لا یێ گرێدای ناڤچه‌یا جه‌له‌ولایێ ب مه‌به‌ستا كارێ خوه‌ ئێ جۆتكاریێ دچن ناڤا زه‌ڤیێن خوه‌ ده‌، د وان ده‌مان ده‌ ژ هێلا ته‌رۆریستێن داعشێ تێن ره‌ڤاندن.

ته‌رۆریستان دوو ژێ سه‌ربه‌ست به‌ردان و دوو ب دیل گرتن

ل شه‌ڤا ده‌رباسبوویی كه‌سوكارێن ره‌ڤاندییان ل نێزی جهێ بوویه‌رێ ل شووپا وان د گه‌ریان، لێ به‌لێ كه‌تن بووسه‌یه‌كا داعشێ و د ئه‌نجامێ ده‌ په‌ڤچوون ده‌ركه‌ت.

د ئه‌نجاما په‌ڤچوونێ ده‌، 5 هه‌مولاتی ژ هێلا داعشێ ڤه‌ تێن قه‌تل كرن، دوو ژی بریندار كه‌تن، ژ نیشكان ڤه‌، كه‌سێن ره‌ڤاندی كاری خوه‌ رزگار بكن و ره‌ڤیان.