چهكدارێن پهكهكێ ئیرۆ ل چیایێ مهتینا یێ باشوورێ كوردستانێ جارهكه دن كهتن بهر ئێریشا بالهفرێن جهنگێ، دوو ژێ هاتن كوشتن.
بالهفرێن جهنگێ یێن دهولهتا تركیێ ئیرۆ جارهكه دن لڤ و تهڤگهرێن رێخستنا پهكهكێ ل باشوورێ كوردستانێ ههدهف كرن، ئێریشهك ل چیایێ مهتینا پێكئانی و حهرهكهتا گهریلایێن پهكهكێ ههدهف كر.
د ئێریشێ ده، دوو چهكدارێن پهكهكێ هاتنه كوشتن.
وهزارهتا بهرگریێ یا تركیێ هوورگلیێن ئێریشێ ل حهسابا خوه یا تویتهرێ پار ڤكرنه و تێده گۆتییه كو دوو گهریلا هاتنه كوشتن، لێ بهلێ پهكهكێ تو ئاگاهی ل دهربارا ئێریشێ نهدانه.
رێخستنا پهكهكێ ژ رووژێن رابووری ڤه، چهندین جاران نووچهیێن جهزا كرنا عهسكهرێن ترك پارڤهكرنه، داوی جار ئاژانسا ئانفێ گۆتبوو كو وان 8 عهسكهر جهزا كرنه، بێ كو زهلال بكه كانێ ئهڤ جهزا ب واتا كوشتنێ یان بریندار كرنێ تێ.
