ھات راگھاندن کو وەزارەتا بەرڤانیا ئامەریکایێ (پەنتاگۆن) ل سەر ئێریشا مۆشەکی یا شەڤا دی ل سەر بالافرگەھا ناڤدەولەتی یا ھەولێرێ، لێکۆلین دایە دەستپێکرن.
بەردەڤکا وەزارەتا بەرەڤانیا ئامەریکا ژ بۆ کارووبارێن رۆژھلاتا ناڤین جێسیکا مەکنالتی ل سەر ئێریشا شەڤا بۆری دایە خویاکرن، ئەو ژ ئێریشا ل سەر ھەولێرێ ئاگاھدارن و لێکۆلینان ئەنجام ددەن.
جێسیکا مەکنالتی گۆتیە، “ئەم ژ وان ئێریشێن کو ل دەردۆرا ھەولێرێ ل دژی ئامەریکیان ھاتنە کرن ئاگاھدارین. د ڤی دەمی دا ل گۆر زانیاریێن مەیێن دەستپێکێ، هیچ زرارەک نەگھیشتیە ئاڤاھی و هیچ کەسێ.”
