سەرۆکوەزیرێ یوونانێ دێ هێتە ھەولێرێ

سەرۆکوەزیرێ یوونانێ دێ هێتە ھەولێرێ

سەرۆکوەزیرێ یوونانێ کیریاکۆس میتسۆتاکیس لگەل شاندەکا ئابۆری و سیاسی دێ سەرەدانا ھەولێرێ کەت.

بەردەڤکێ یەکتیا ژۆرێن بازرگانی و پیشەسازی ل ھەرێما کوردستانێ، کاروان سوورچی راگهاند، سەرۆکوەزیرێ یوونانێ کیریاکۆس میتسۆتاکیس دێ حەفتەیا بهێت سەردانا ھەولێرێ کەت.

کاروان سوورچی ھەر وەھا گۆت، سەرۆکوەزیرێ یوونانێ دێ لگەل خوە دا چەندین وەزیر و نوونەرێن 26 کۆمپانیێن یوونانی ئینیت و بەشداری کۆربەندا ئابۆری ل باژارێ ھەولێرێ کەت.

وی کاربدەستێ حکوومەتا کوردستانێ دا زانین، ئارمانجا وێ کۆربەندێ بھێزکرنا پێوەندیێن ھەرێما کوردستانێ و یوونانێ یە د وارێ بازرگانی دا، کۆمپانیێن یوونانی ژی دخوازن بێن ل ھەرێما کوردستانێ کار بکەن.

ب گۆتنا سوورچی، ئەڤە جارا یەکەمینە سەرۆکوەزیرەکی یوونانێ لگەل شاندەکا وەھا مەزن سەردانا ھەرێما کوردستانێ دکەت، ئەڤ ژی نیشان ددەت کو یوونان گرینگیێ ددەتە ھەرێما کوردستانێ.