ئهمەریکا دێ ھێزەکا شەرکەر هنێریته ئیراقێ و ھەرێما کوردستانێ
بریارە وەزارەتا بەرەڤانیێ یا ئهمەریکا پەنتاگۆن ھێزەکا شەرکەر بهنێریته ئیراقێ و وێ ھێزێ ل چەند ناڤچەیێن ئیراق و ھەرێما کوردستانێ ب جھ بکەت.
کوردستان24 ژ چاڤکانیەکا پەنتاگۆنێ زانی، ئارتێشا ئهمەریکا بریار دایە فرقەیا ستریکەر کو ژ 1800 لەشکەران پێک دهێت بهنێریته ئیراقێ و ل جھێ فرقەیا 256 یا پەیادە ب جھ بکەت.
ل گۆر زانیاریێن کوردستان24ێ، ھێزا شەرکەرا ستریکەر ل بارەگەھێن لەشکەری یێن ئهمەریکا ل فرۆکخانەیا ناڤدەولەتی یا ھەولێرێ و بارەگەھا ئاسمانییا عەین ئەسەد ب جھ دبن.
ئەڤ د دەمەکێ دایە، ئێریشێن گرووپێن چەکدار و میلیشیایێن ئیراقێ ل سەر بارەگەھێن ئهمەریکا زێدە بووینە و پرانییا وان ئێریشان ب رێیا درۆن و مووشەکان تێن کرن.
