ته‌رمێن ژنه‌كێ و مێره‌كی ل ناڤچه‌یا سنوونێ یا گرێدای قه‌زا شنگالێ هاتنه دیتن، ئه‌و ب رۆژه‌كێ به‌را كو بهێن كوشتن، به‌رزه ببوون.
هات راگهاندن كو دوهـ رۆژا چارشه‌می 7-7-2021ان، ته‌رمێن ژنه‌كێ و مێره‌كی ل نێزی كۆمه‌لگه‌ه‌ها ده‌ه‌هۆلا یا سه‌ر ب ناڤچه‌یا سنوونێ هاتنه دیتن کو ھەردوو ب چەکان ھاتنە کوشتن و جھێن گوللـەیان ل سەر لاشێ وان خویایە.
پۆلیسێن سنوونێ ئه‌شكه‌ره كرنه كو ھەتا نھا سەدەما کوشتنا وان نایێ زانین و ت کەسەک ب گومان ئان ژی ب تۆھمەتا کوشتنا وان نەھاتییە دەستەسەر کرن.
ھەروھا دەستنیشان کر، ئیھتمالا وێ یەکێ ھەیە کو تاوانەکە تەرۆریستی بە، د دەمێن بووری دا چەندین تاوانێن ب ڤی رەنگی ل وێ دەڤەرێ ھاتنە تۆمار کرن.
ژنا کو ھاتییە کوشتن، ناڤێ وێ «ساندرا خەلیلە»، ژ خەلکێ کۆمەلگەھا گوھبەلە و 21 سالی یە، ناڤێ زلام ژی «درێد خالدە»، ژ خەلکێ کۆمەلگەھا خانسۆرە و 28 سالی یە.
