ئه‌لمانیایێ كۆمبوونا په‌كه‌كێ ئاسته‌نگ كر

ئه‌لمانیایێ رێ نه‌دا كۆمبوونا په‌كه‌كێ بێ ل دارخستن

حكوومه‌تا ئه‌لمانیایێ رێ ل به‌ر رێخستنا ب ناڤێ كۆنگره‌یا جڤاكێن ده‌مۆكراتیك ئا كوردستانی یێن ل ئه‌ورۆپایێ یا گرێدای په‌كه‌كێ، جڤینا خوه‌ ل دار بخن و ژێره‌ گۆتن: په‌كه‌كه‌ د لیستا ته‌رۆرێ ده‌ یه‌ و KCDK-E ژی به‌شه‌كێ په‌كه‌كێ یه‌.

كۆنگره‌یا جڤاكێن كوردستانی یێن ل ئه‌ورۆپایێ، دخوه‌ست ئیرۆ جڤینا خوه‌ ل كۆلنێ ل داربخه‌، لێ به‌لێ ئه‌و ژ هێلا پۆلیسێن كۆلنێ هات ئاسته‌نگ كرن و نه‌هشتن ئه‌ڤ جڤین بێ ل دار خستن.

برێڤه‌برێ پۆلیسێن كۆلنێ ب هه‌ڤسه‌رۆكێ KCDK-E ره‌ ب تێله‌فوونێ ئاخڤی و ژێره‌ گۆ كو نابه‌ په‌كه‌كه‌ ب تو ئاوایی چالاكیێن خوه‌ ل ئه‌لمانیایێ ل دار بخه‌، په‌كه‌كه‌ د لیستا ته‌رۆرێ ده‌ یه‌، KCDK-E ژی به‌شه‌كی په‌كه‌كێ یه‌.

هێژای گۆتنێ یه‌، حكوومه‌تا ئالمانیایێ ژ سالا 1993ێ ڤه‌، په‌كه‌كه‌ خستییه‌ د لیستا ته‌رۆرێ ده‌، لێ به‌لێ ل ڤێ داویێ ژ نووڤه‌ چالاكیێن وێ ل سه‌رانسه‌ری ئه‌لمانیایێ قه‌ده‌غه‌ كرن.