تالیبانێ گه‌فا راگه‌هاندنا جیهادێ ل تركیێ كر

تالیبانێ گه‌فا راگه‌هاندنا جیهادێ ل تركیێ كر

تەڤگەرا تالبانێ دەربارێ هه‌بوونا هێزێن تركیێ ل ئه‌فغانستانێ هشیارییه‌كا توند دا و راگه‌هاند،  مانا وان هێزان بەردەوامییا «داگیرکەریا بیانی»یە، ئه‌گه‌ر تركیه‌ وان نه‌ڤه‌كشینه‌، وێ راستی سه‌ره‌ده‌رییه‌كا توند بێن.

ل رۆژێن رابووری هێزه‌كا تركیێ ب رازیبوونا ئامه‌ریكایێ ده‌رباسی ئه‌فغانستانێ بوو و ئه‌ركا پاراستنا باله‌فرخانه‌یا كابۆلێ پێ هات سپارتن.

د ڤێ ده‌ربارێ ده‌، به‌رده‌ڤكێ ته‌ڤگه‌را تالیبانێ زه‌بیحوللا موجاهد داخویانی دا و گۆت: «هەموو ئالی دزانن کو ل گۆر رێکەفتنا ده‌وحه‌، دەرکەتنا هێزێن بیانی ژ وەلاتێ مە یەکالی بوویە، نەتەوێن یەکبوویی و جڤاکا ناڤدەولەتی ئەڤ یەک پەسەند کرنە.

هه‌روه‌ها گۆت: مانا هێزێن ترکیێ پێنگاڤەکی نەباش و ل دژی یەکیتیا ئاخ، بەرژەوەندییا نەتەوی و سەرخوەبوونا خەلک و وەلاتێ مەیە، ئیمارەتا ئیسلامی ڤێ ب توندی شەرمەزار دکە.

تالبان تەکەز دکە، مانا هێزێن دەرڤە ل ئه‌فغانستانێ، ئەگەر ژ هەر وەلاتی و د ژێر هەر ناڤەکی دە بە، داگیرکەرییە و وێ ل سەر ئەساسێ فەتوایا 1،500 یا زانایێن ئەفعانستانێ کو ل سالا 2001 دەرکەتبوو، وێ جیهاد ل سه‌ر بێ راگهاندن.