ل دژی ئاڤاھیا ھەدەپێ یا ناڤچەیا مارماریس موگلایێ ئێرشا چەکداری پێک ھات

ل دژی ئاڤاھیا ھەدەپێ یا ناڤچەیا مارماریس موگلایێ ئێرشا چەکداری پێک ھات

ل دژی ئاڤاھیا پارتیا دەمۆکراتیکا گەلان (ھەدەپێ)یا ناڤچەیا مارماریس موگلایێ ئێرشا چەکداری پێک ھات و دەربارێ بوویەرێ دا کەسەک ب ناڤێ ا.ت.د. ھات دەستەسەرکرن.

ل ناڤچەیا مارماریسا موگلایێ ئیرۆ دانێ سبێ ل دژی ئاڤاھیا ھەدەپێ ئێرشەکا چەکداری ھات کرن.

ل گۆر ئاگاھیێن بەردەست ئێریشکارێ ب ناڤێ ا.ت.د ب تاکسیێ چوویە ئاڤاھیا ناڤچەیێ یا ھەدەپێ و زیان گھاندیە ئاڤاھیێ.

ل سەر ئاگاھدارکرنا کو کەسەکی ئێرشی ئاڤاھیا ھەدەپێ کریە، ھێزێن ئاسایشێ چوون جھێ بوویەرێ و کەسێ ب ناڤێ ا.ت.د. یێ 28 سالی کو ھات زانین ئێرشی ئاڤاھیێ کریە دەستەسەر کرن و  دەست ب سەر چەکا وی دا ژی گرتن.

ل گۆر مەدیایێن ترکیێ ھەمان کەسی سالا 2018ان ژی ئێریشی ئاڤاھیا ھەدەپێ کریە و دەربارێ وی دە لێپرسین ھاتیە دەستپێکرن.