مەکتەبا سیاسی یا یەکیتیا نشتمانیا کوردستانێ (یەنەکێ) ھەموو دەستھلاتێن ھەڤسەرۆکاتیێ یێن لاھوور شێخ جەنگی ژێ وەرگرتن و دان بافل تالەبانی و ئەڤ بریارە ژی ئیرۆ دکەڤیتە وارێ جێبەجێکرنێ.
بریارا مەکتەبا سیاسییا یەنەکێ وەھایە:
-ھەڤسەرۆک لاھوور شێخ جەنگی ھەموو دەستھلاتێن خوە رادەستی ھەڤسەرۆک بافل تالەبانی دکەت حەتا سەرەراستکرنا پەیرەوێ ناڤخوە یێ یەنەکێ.
-ئەڤ بریارە د رۆژا دەرچوونێ دا دکەڤیتە وارێ جێبەجێکرنێ.
بریارا مەکتەبا سیاسی یا یەنەکێ ئیرۆ دەر چوو و ژ بۆ نڤیسنگەھێن تایبەت یێن ھەردو ھەڤسەرۆکان، نڤیسنگەھا تایبەتا بریاردەر و کارگێریا مەکتەبا سیاسی، ئەندامێن مەکتەبا سیاسی، سکێرتاریەتا ئەنجوومەنا سەرکردایەتی و نڤیسنگەھا تایبەتا لێپرسینێ یا سکێرتاریەتێ، ھاتیە شاندن.
جھێ بەحسێ یە دەمەکە ئالۆزی د ناڤبەرا ھەردو ھەڤسەرۆکێن یەنەکێ لاھوور شێخ جەنگی و بافل تالەبانی دا دروست بوونە و ئەو ئالۆزی ل ناڤا خەلکێ سلێمانیێ بوونە جھێ نیگەرانیێ.
