ب تاوانا ئاشکەراکرنا نهێنیێن پەکەکێ کارایلان راستی لێپرسینێ هات

ب تاوانا ئاشکەراکرنا نهێنیێن پەکەکێ کارایلان راستی لێپرسینێ هات

پشتی کو ل رۆژا 10/6/2021ێ ئەندامێ کۆمیتەیا رێڤەبەرا پەکەکێ موراد کارایلان سەبارەت بوویەرێن چیایێ مەتینا داخویانی دای و تێدا راگهاندی، “بەریا چەند مەھان ب رێیا ھندەک دۆستان دەولەتا ترک، حەتتا تاییپ ئەردۆگان ب خوە ژ بۆ مە ئاگاھی شاندن و گۆت، د ھوندرێ ترکیایێ دا، ئانکو ل باکورێ کوردستانێ ھوون ئاگربەستێ راگەهینن، لێ ل بەشێن دی یێن کوردستانێ ھوون چ بکن ئەم مژوول نابن. ئانکو ل ھەمبەری ئاگربەستێ، ڤایە ناکۆکیێن هەوە لگەل پەدەکێ دا ھەنە، ھەرن ل دژی وان شەری بکن.” د ناڤا پەکەکێ دا لێپرسین ل دژی کارایلان ب تاوانا ئاشکەرا کرنا نهێنیێن پەکەکێ دەستپێکریە.

هاتە زانین، پشتی ڤان ئاخافتنان ل قەندیلێ لێپرسین ل دژی موراد کارایلان هاتیە دەستپێکرن، کارایلان ب ڤێ یەکێ هاتیە تاوانبار کرن کو نهێنیێن پەیوەندیێن پەکەکێ لگەل ترکا و ئەردوگان دا ژ حیزبێ دەرخستنە و ئەو ئاشکەرا کرنە.

عەلی عەونی ئەندامێ سەرکرداتیا پارتیا دەمۆکراتا کوردستانێ (پەدەکێ) ئاشکەرا کر، پێش نها موراد کارایلان ئەڤ یەک ئاشکەرا کر کو ئەردوگان ب رێیا هندەک ژ دۆستان، شاندەک شاندیە قەندیلێ و هندەک داخوازی ژ پەکەکێ هەبوون دەربارا شەرکرن ل دژی ترکیا، ژ بەر ڤێ یەکێ سەرکرداتیا پەکەکێ ل قەندیلێ لێپرسین ل دژی کارایلان دا دەستپێکرن، ژبەرکو ئەڤە تشتەک نهێنی بوویە و کارایلان ئەو نهێنی ئاشکەرا کریە.

هەر وەها راگهاند، ب سووچا ئاشکەراکرنا نهێنیان، راستەراست ل قەندیلێ دەست ب لێپرسینا کارایلان هاتیە کرن و ئەو ب توندی هاتیە رەخنەکرن، هەر وەها ئەو هاتیە هایدارکرن کو ب چ ئاوا نابیت جارەکا دی دەربارا مژارەک ب ڤی ئاوا نهێنی باخڤیت و پەیوەندیێن پەکەکێ لگەل ترکیا ئاشکەرا بکەت.

عەلی عەونی گۆت ژی، پەکەکە ب خوە ب ئاشکەرا دبێژیت مە پەیوەندی لگەل ئەردۆگان و ترکیا دا هەنە، تەڤ رێخستن و سەرکردایەتیا پەکەکێ گۆتیە کارایلان کو چەوا دبیت د مەدیایێ دا باسی ڤێ یەکێ بکی کو پەکەکێ پەیوەندی لگەل ئاردۆگان هەیە، ئەڤ نهێنی یە و بەحسکرنا وان ناهێت قەبوولکرن، ژ بەر ڤێ یەکێ لێپرسین ل دژی کارایلان هاتیە دەستپێکرن.

پوستێن ھەمان بەش