هەژمارا قوربانیێن لەهیێ ل ئەورۆپایێ گه‌هشت 153 کەسان

هەژمارا قوربانیێن لەهیێ ل ئەورۆپایێ گه‌هشت 153 کەسان

د له‌هیێن كو ئه‌ڤ ده‌ما سێ رۆژانه‌ چه‌ند باژارۆک و گوندێن ئالمانیا و بەلچیکایێ گرتی و بەشەکی زێده‌ ژ جادە و مالان وێران کرنە، 153 کەسان جانێ خوە ژ دەست دانە، 133 ژێ ل ئه‌لمانیایێ نه‌.

هات راگهاند كو هه‌یا ئیرۆ رۆژا شه‌می 17/7/2021ان، 153 كه‌س د له‌هیێن ئالمانیا و به‌لجیكا ده‌ جانێ خوه‌ ژ ده‌ست دا نه‌، 133 ل ئالمانیایێ و 20 ل به‌لجیكایێ، نێزیکی هەزار و 300 کەسان ژی نە دیارن و ئەگەر هەیە ئه‌و ژی بوونە قوربانی.

هێژای گۆتنێ یه‌، ئه‌ڤ ده‌ما 3 رۆژانه‌ ئه‌ڤ له‌هی به‌رده‌وامن، د چەند دەمژمێرێن بۆری دە بارانبارین کێم بوویە، و ئەگەر هەیە کەشووهەوا ب تایبەتی ل ئالمانیا و بەلجیکایێ هەتا رادەیەکێ ئارامتر ببە.

لەهییا پێشبینی نەکری یا تیرمه‌ها ئیسال ل گەل كۆرۆنایێ، تجروبەیەکە دن بوو کو وەلاتێن رۆژئاڤایێ ئەورۆپایێ نەچار دکە دەربارێ کریزێن ژنشکه‌كێ ڤە پێنگاڤەکە جددی بۆ خوەئامادەکرنێ باڤێژن.