ل مه‌تینی 5 گه‌ریلا و ل ئاڤاشین 9 عه‌سكه‌ر هاتنه‌ كوشتن

Li Metînî 5 Gerîla û li Avaşîn 9 esker hatine kuştin

د ئێریشه‌كا باله‌فرێن جه‌نگێ یێن ده‌وله‌تا تركیێ ده‌ كو ل چیایێ مه‌تینی یێ باشوورێ كوردستانێ پێكهاتییه‌، 5 گه‌ریلا هاتنه‌ ئارمانج گرتن، په‌كه‌كه‌ ژی‌ جه‌زا كرنا 9 عه‌سكه‌ران رادگهینه‌.

وه‌زاره‌تا پاراستنا نه‌ته‌وی یا تركیێ ئیرۆ رۆژا دووشه‌می 19/7/2021ان راگهاند، د ئێریشه‌كا باله‌فرێن جه‌نگێ ده‌، هێزێن وان یێن ئاسیمانی 5 چه‌كدارێن په‌كه‌كێ ل چیایێ مه‌تینی كرنه‌ ئارمانج.

 ئه‌ڤ ئێریش پاش رۆژه‌كێ ژ داخویانییا په‌كه‌كێ یا ل ده‌ربارا ئاڤاشێنێ هاتییه‌، په‌كه‌كێ دوهـ راگهاندبوو كو گه‌ریلایان ژ 4 باسكان ڤه‌ ل ئاڤاشین ئێریشا ئارتێشا تركیێ كرنه‌، 9 عه‌سكه‌ر د ئێریشێ ده‌ هاتنه‌ جه‌زا كرن.

هه‌ر یێك ژ ئارتێشا تركیێ و په‌كه‌كه‌ بێ ناڤبه‌ر ئامارا زرارێن جانی یێن هه‌ڤ پارڤه‌ دكن، لێ به‌لێ هه‌ردوو ئالی راست نابێژن و ڤان ئاگاهییان وه‌كه‌ یێك ژ ئالاڤێن شه‌رێ ده‌روونی ل دژی هه‌ڤ ب كار تینن.