پێنج حیزبێن کوردی یێن باکور: ئەم ئێریشێن نەژادپەرەستی یێن ل سەر مالباتێن کوردان شەرمەزار دکەین

پێنج حیزبێن کوردی یێن باکور: ئەم ئێریشێن نەژادپەرەستی یێن ل سەر مالباتێن کوردان شەرمەزار دکەین

پێنج پارتیێن کوردی ل باکورێ کوردستانێ ئێریشێن ڤان رۆژێن داویێن یێن نەژادپەرەستان، کو ل ھەمبەر کوردان پێکتێن شەرمەزار دکەن.

داخویانیا ھەرپێنج پارتیێن کوردی دەربارێ وان بوویەران دا وەھایە:

ئێریشێن نەژادپەرەستی یێن ل سەر کوردێن ل مەترۆپۆلێن ترکییایێ بەردەوامن.

د ڤان چەند رۆژێن بۆری دا ل باژارێن ئافیۆن، کۆنیا و ئەنقەرەیێ، نژادپەرەستێن ترک ئێریشێن نەمرۆڤانە برنە سەر  مالباتێن کوردان و د ئەنجامێ دا ل کۆنیایێ ب ناڤێ حاکم داگ کوردەک ھاتە کوشتن و ل سێ باژاران  گەلەک کەس ژی ژ مالباتێن جودا جودا بریندار بوونە.

ھەر چقاس رایەدارێن دەولەتا ترکیەیێ دخوازن سەدەما ڤان ئێریشان بەرۆڤاژی بکەن و وەک ئێریشێن نە رێخستی نیشان بدەن ژی، پر ئاشکەرایە کو، ئەو کەسێن ڤان ئێریشان دکەن ب سلۆگان، گۆتن، چێر و سلۆگانێن نیژادپەرەستی یێن  ل دژی کوردان ئێرشا پێک تینن.

ئەڤ ئێریشێن ب ڤی رەنگی بەرێ ژی دهاتنە ئەنجامدان و چ کەس ژ بەر ڤان ئێریشان نەھاتبوونە جەزاکرن. د ھەر ئێریشێ دا ھێزێن ئەولەکارییێ یان چاڤێن خوە ژ ئێریشکاران نقاندینە و بێدەنگ مانە، یان ژی رێ ژ بۆ ئێریشکاران خوەشتر کرنە.

ئەڤ ئێریشێن نەژادپەرەستی بەرھەمێن سییاسەتا دەولەتا ترکییایێ یا شۆفینیستا ل دژی کوردانە.

ژ بەر ڤێ راستییێ ژی ھەموو رایەدارێن دەولەتا ترکییایێ، دەزگەھێن ئەولەکارییێ، دەزگەھێن چاپەمەنی و راگھاندنێ، سیستەما پەروەردەھییێ ژ ڤان ئێریشان بەرپرسیار و تاوانبارن. ھەروەھا ھەموو پارتییێن ئۆپۆزسیۆنێ، دەزگەھێن سڤیل و کەسایەتێن ناڤداریێن ل ھمبەری ڤان ئێریشان بێ دەنگ دمینن ژی ژ ڤان ئێرشان بەرپرسیارن.

دڤێت رایەدارێن دەولەتا ترکییایێ ژی، ھێزێن نیژادپەرەست یێن دژمنێ ملەتێ کورد ژی باش بزانن کو ملەتێ کورد حەتا ئیرۆ سەرێ خوە ل ھمبەری چ جینۆساید، کۆمکوژی، کوشتن، زلم و زۆردارییا نەچەماندییە و دێ ژ ئیرۆ پێڤە ژی سەرێ خوە ل ھمبەری داگیرکەر و نەژادپەرەستان ناچەمینیت. چ ئێریشێن ب ڤی رەنگی نکارن رێ ل بەر ئازادی، رزگاری، سەرخوەبوونا وەلاتێ مە بگرن.

ئەم باش دزانین کو ئەڤ ئێریشێن کو ل باژارێن ترکییایێ ل سەر کوردان تێنە کرن، بەردەوامییا سییاسەتا جینۆسایدا ل سەر ملەتێ کوردە.

ئەم د وێ باوەرییێ داینە کو گاڤا یەکەم یا ل ھمبەری ڤان ئێریشێن نەمرۆڤانە، ھەڤکاری و تفاقا نەتەوەیی، نشتمانی یە و د ڤێ دەربارێ دا بەرپرسیارییەکا دیرۆکی ل سەر ملێن ھەموو پارتی، رێخستن، گرووپ و دەزگەھێن کورد و کوردستانییانە.

ئەم بانگی پارێزڤانێن مافێ مرۆڤان و ھەموو ھێزێن ئازادیخواز، دەمۆکرات، دادپەروەرێن ل ترکیایێ دکەین دا کو ل ھمبەری ڤان ئێریشان بێ دەنگ نەمینن. ئێریشێن ل سەر گەلێ کورد، د هەمان دەمی دا ئێریشێن ل سەر ئازادی و پێشەرۆژا هەوە نە ژی. ھەروەھا نەژادپەرەستی تاوانەکا ل دژی مرۆڤاھییێ یە و رێ ل بەر پێشکەتن و ژییانەکا ب روومەت یا ھەر ملەتەکێ ژی دگریت.

ئەم وەک 5 پارتی و تەڤگەرێن کو ل خوارێ ناڤێ مە ھەنە، سەرساخیێ ژ مالباتا حەکم دال دکەین و شیفایا خێرێ ژ بۆ برینداران ژی دخوازین.

ئەم ڤان ئێریشێن نیژادپەرەست و نەمرۆڤانە روورەش دکەین.

23/7/2021

پێلکورد، پەسەکە، تەڤگەر، پاک، پەدەکە-باکور