چەکدارێن پەکەکێ ل ناڤچەیا ئامێدیێ یا سەر ب دوھۆکێ ڤە جارەکا دی ئێریشی ھێزا پێشمەرگەیێن کوردستانێ کر.
فەرماندارێ گشتی یێ پێشمەرگە فەریق جەمال ئێمینکی راگهاند، ئیرۆ رۆژا شەمبیێ 24/7/2021ێ، چەکدارێن پەکەکێ ل چیایێ مەتینا ل ئامێدیێ د دەمەکێ دا کو پێشمەرگە د ئەرکێ خوەدابوون گولە بەردانە پێشمەرگەیان.
ھەروھا فەریق جەمال ئێمینکی ئاماژە ب وێ یەکێ ژی کریە، ئەڤە جارا یەکەم نینە کو پەکەکە ئێریشی پێشمەرگە دکەت و بەرێ ژی ل ئامێدی، زاخۆ و چەند جھێن دی ئێریشی پێشمەرگە کریە و پێشمەرگە شەھید کرنە.
ھەروھا فەریق جەمال ئێمینکی، ئاماژە ب وێ یەکێ ژی کریە چەکدارێن پەکەکێ ب ئارمانجا زرارگەهاندن و شەھیدکرنا پێشمەرگەیان ئێریشی پێشمەرگە کریە.
د بەردەوامیێ ژی دا ئێمینکی گۆت: “ھەروەکو بەرێ چاوا چەند جاران پێشمەرگە شەھید کرن. د ئێریشا وانا ئیرۆ دا زرارا جانی نەبوو.”
جەمال ئەمینکی داخواز ژ پەکەکێ ژی کر رێزێ ل سەروەریا خاکا ھەرێما کوردستانێ و دەزگەھێن فەرمی و یاسایێن ھەرێما کوردستانێ بگریت و شەر و ئالۆزیان ژ ھەرێما کوردستانێ دوور بکەت.
