په‌كه‌كه‌ دیسا دره‌وێن ب شاخ به‌لاڤ دكه‌ت!!

pkk-lie-hpg-lie-ocalan-lie-turk-duhok (1)

په‌كه‌كێ ئه‌ڤرۆ جاره‌كا‌ دی ئامارێن زیانێن گیانی یێن عه‌سكه‌رێ ترك به‌لاڤ كرن و ل گۆری رێخستنێ، د 3 مه‌هێن رابووری دا‌، 494 عه‌سكه‌ر ته‌نێ ل باشوورێ كوردستانێ هاتنه‌ كوشتن.

هه‌په‌گێ باسكێ له‌شكری یێ په‌كه‌كێ ئه‌ڤرۆ رۆژا شه‌مبی 24/7/2021ێ، داخویانی به‌لاڤ كر و تێدا هاتییه‌ گۆتن كو د ده‌ما 3 مه‌هێن رابووری دا‌، گه‌ریلایان، 494 عه‌سكه‌ر ته‌نێ ل هه‌رێمێن پاراستنێ یێن مه‌دیا واته‌ ل باشوورێ كوردستانێ كوشتنه‌.

هه‌گه‌ر ئه‌ڤا په‌كه‌كه‌ دبێژیت راست بیت، پێدڤییه‌ كێفا هه‌ر كورده‌كی ب ڤێ نووچه‌یێ بێ، لێ به‌لێ هه‌ر كه‌س دزانیت‌ د هه‌موو دیرۆكا خوه‌ دا، په‌كه‌كێ ئه‌ڤ قاس عه‌سكه‌ر د ده‌ما 3 مه‌هان دا نه‌كوشتینه‌.

په‌كه‌كه‌ ڤان ئامارێن ده‌ره‌و ب مه‌به‌ست به‌لاڤ دكه‌ت ژ بۆ كو ژ گه‌ل را ببێژیت‌ ڤا ئه‌زم باشوور د پارێزم و هه‌گه‌ر ژ من نه‌بیت‌، ترك دێ ڤێ پارچه‌یا وه‌لات داگیر كه‌ت‌، لێ به‌لێ یا راست په‌كه‌كه‌ ئه‌گه‌را سه‌ره‌كی‌ یا هێرشێن ده‌وله‌تا تركیێ یه‌‌ ل سه‌ر باشوورێ كوردستانێ.