جوره‌یا نوو یا كۆڤیدێ «ده‌لتا» دهۆك داگیركرییه‌

جوره‌یا نوو یا كۆڤیدێ «ده‌لتا» دهۆك داگیركرییه‌

ڤیرۆسا كۆرۆنایێ ب ئاوایه‌كی هه‌ری زێده‌ ل پارێزگه‌ها دهۆكێ یا باشوورێ كوردستانێ به‌لاڤ دبیت‌ و د 4 رۆژان دا، 20 پێكه‌تیێن ڤێ ڤیرۆسێ جان داییه‌.

ئامارێن ته‌ندروستیێ یێن حكوومه‌تا باشوورێ كوردستانێ ئه‌شكه‌ره‌ كرنه‌، پارێزگه‌ها دهۆكێ نها ل رێزا یه‌كه‌م ب رێژه‌یا پێكه‌تنێ ب ڤیرۆسا كۆرۆنا كۆڤید-19 دهێت، د چار رۆژێن ده‌رباسبوویی دا، 20 پێكه‌تییان جان داییه‌، هنده‌ك ژێ هێژان د ته‌مه‌نا گه‌نجاتیێ دا نه‌.

د ڤێ ده‌ربارێ دا‌، رێڤەبەرییا ته‌ندروستیێ یا دهۆکێ بانگ ل تەڤ وەلاتییان دکەت کو پێگریێ ب رێنمایێن ته‌ندروستیێ بکه‌ن و خوە بپارێزن ژ ڤێ جوره‌یا ڤیرۆسێ كو ب ده‌لتا هندستانێ تێ ناس كرن.

رێڤه‌به‌رییا ته‌ندروستیێ دبێژیت: ئه‌ڤ ڤیرۆس ئانكۆ ده‌لتا ب ئاوایه‌كی لەزگین بەلاڤ دبیت و خه‌ته‌رییه‌ك مه‌زنه‌ ل سه‌ر مرۆڤاهیێ.