تالیبانێ هێرش كرییه‌ 30 باژێرێن ئه‌فغانستانێ

تالیبانێ هێرش كرییه‌ 30 باژێرێن ئه‌فغانستانێ

وەزیرێ بەرەڤانیێ یێ ئه‌مەریکایێ هێڤییا وی هەیە کو ئارتێشا ئه‌فغانستانێ بشێت رووبروویی ته‌ڤگه‌را تالیبانێ ببیت، لێ به‌لێ ته‌ڤگه‌رێ هه‌تا نها هێرشی 30 باژێران كرییه‌.

وه‌زیرێ به‌ره‌ڤانیێ یێ ئه‌مه‌ریكایێ لوید ئاوستن دبێژیت: پێدڤییه‌ ئارتێشا ئه‌فغانستانێ ل دەستپێکێ هەولێن راوەستاندنا پێشڤەچوونا تالیبانێ بده‌ت و پشترە هێرشێن بەرۆڤاژی بکه‌ن و ئەو جهێن کو ژ دەست داینە کۆنترۆل بكه‌نه‌ڤه‌، چاڤێ مە ل وێ یەکێ کو هێزێن حکوومەتا ئه‌فغانستانێ وی کاری بکه‌ن، وان شیان هه‌نه‌ رێگریێ ل پێشڤەچوونا تالیبانێ بکه‌ن، ئەم دێ چاڤەرێ بین كانێ دێ چ چێبیت.

ئارتێشا حکوومەتێ و میلیشیایێن چەکدارێن ئالیگر هەولێن دوورخستنا چەکدارێن تالیبانێ دده‌ن کو نێزیکی سینۆرێ باژارێ تالقانێ بووینە.

فەرماندارێ میلیشیایێن دژی تالیبانێ موجاهد برود ژی گۆت: من ل ڤێرێ گۆرەک بۆ خوە کۆلایه‌ و ئامادە مە بمرم، لێ هێلا پێشیێ بۆ تالیبانێ بجهـ ناهێلم.

تالیبانێ هەری کێم هێرشی 30 باژارێن مەزن ل ئه‌فغانستانێ کرییە، هێزێن وێ ژی هەری کێم ژ 3ێ ئالیان ڤە ناڤەراستا باژاران دۆرپێچ کرینە، حکوومەتێ ژی ژ تەڤاهییا 34 باژارێن مەزنێن وەلات ژ بلی کابوول و 2 باژارێن دی، قەدەخەیا چوون و هاتنا شەڤێ راگه‌هاندییە.