ب دەهان لەشکەرێن ئه‌فغان دەرباسی پاکستانێ بوون

ب دەهان لەشکەرێن ئه‌فغان دەرباسی پاکستانێ بوون

ئارتێشا پاکستانێ راگه‌هاند کو 46 لەشکەرێن ئه‌فغانستانێ پشتی پێشڤەچوونا تالیبانێ دەرباسی ناڤ سنۆرێن وان بوونە.

ب سەدان لەشکەرێن ئه‌فغان، کاربدەستێن سڤیل د هەفتەیێن داوی دا ژبەر ئێریشێن ته‌ڤگه‌را تالیبانێ دەرباسی تاجیکستان، پاکستان و ئیرانێ دبن و ل گۆر داخویانییا ئارتێشا پاکستانێ، لەشکەرێن ئه‌فغان پشتی دەستوورا مەقامێن فەرمی د دەریێ چیترال را دەرباس بوونە.

کاربدەستێن پاکستانێ دبێژن کو وان خوارن ڤەخوارن و ئالیکارییا نۆژداری دایە وان لەشکەران.

هێژایی بیرخستنێ یە کو پەیوەندیێن ئافغانستان و پاکستانێ د دەمێن داوێی دا تێكچوو بوون، ئافغانستانێ، پشتی کەچا بالیۆزا پاکستانێ بۆ دەمەکی كێم هاتبوو رەڤاندن ژ دیپلۆماتێن خوە یێن ل وی وەلاتی خوەستبوو کو ڤەگەرن.

ته‌ڤگه‌را تالیبانێ پشتی ئه‌مەریکا دەست ب ڤەکێشانا هێزێن خوە یێن ل ئافغانستانێ کری ئێریشێن خوە زێدەتر کرنە، هێزێن ئه‌مەریکی پشتی 20 سالان دێ د 11ێ ئیلۆنێ دا ب تەمامی ژ ئه‌فغانستانێ دەرکەڤن.

واشنگتۆن نها ددەته‌ زانین کو ئەو ژ بۆ پشتگرییا هێزێن ئه‌فغان ل دژی تالیبانێ ئێریشێن خوە یێن ئەسمانی به‌رده‌وام بكه‌ت.

پوستێن ھەمان بەش