ئاگرێ دارستانێن ل مووشێ بەردەوامە

ئاگرێ دارستانێن ل مووشێ بەردەوامە

شەواتا ل دارستانێن گەلیێ بلوورێ ل پارێزگەها مووشێ یا باکورێ کوردستانێ ده‌ما 7 رۆژانه‌ بەردەوامه‌، هەتا نها ژی چ هەولدانەک بۆ ڤەمراندنا وب ئاگری نەهاتە کرن.

ئاگرێ کو ل 21ێ تیرمەهێ ب گەلیێ بلوورێ یێ سەر ب ناڤچەیا گمگما مووشێ ڤە كه‌تی، بەردەوامه‌ و ل گۆری ئاگاهیێن كو هاتن ب دەست ئێخستن، ژ بەر ئاگری گەلەک دار سۆتینه‌ و هەتا نها چ هه‌ولدانه‌ك ژ بۆ كۆنترۆل كرنا ئاگری نەهاتییە کرن، لێ سەرۆکێ دارستانێن گمگمێ راگهاند کو تیمێن پەیوەندیدار خەباتێن ڤەمراندنێ د مەشینن.

هەڤسەرۆکێ ناڤچەیا قولپێ یێ پارتییا دەمۆکراتیکا گەلان هه‌ده‌په‌ێ رەمزی ئالتن ژی دیار کر کو ب به‌هانه‌یێن ئەولەهیێ دەستوور ناهێته‌ دان کەس نێزیکی جهێ ئاگری ببیت.

ژ ئالیێ رێڤەبەرییا ئاگرڤەمراندنێ، رێڤەبەرییا هەرێمێ یا دارستانێ و پارێزگه‌ها مووشێ ڤە ژی ل دەربارێ وی ئاگری چ داخویانی نەهاتنە بەلاڤ کرن.