ده‌وله‌تا ترك بۆمبه‌ ل مالێن وه‌لاتییان باراندن

ده‌وله‌تا ترك بۆمبه‌ ل مالێن وه‌لاتییان باراندن

سوپایێ تركیێ و كۆمێن چه‌كدار یێن سه‌ر ب وێ ڤه‌، ل باکور و رۆژئاڤایێ منبجێ تۆپ هاڤێتن گوندەکی، ژ بەر هێرشێ زیان ب گەلەک مالان كه‌تییه‌، گوندەکێ شەهبایێ ژی بوو ئارمانجا تۆپبارانا داگیرکەران.

ل گۆری ناڤەندا راگه‌هاندنێ یا ئه‌نجوومه‌نا سه‌ربازییا منبجێ، سوپایێ تركیێ و كۆمێن چه‌كدارێن گرێدای وێ ژ بریارگەها ل گوندێ یاشلی یێ ل رۆژئاڤایێ منبجێ، تۆپ هاڤێتن گوندێ ئەل سەیادا و ژ بەر ڤێ هێرشێ زیان ب مالێن سڤیلان كه‌تییه‌.

ئه‌نجوومه‌نا سه‌ربازییا منبجێ دیار کر کو دەولەتا ترک ب هێرشا ل سەر سڤیلان، قانوونێن ناڤنەتەوەیی بنپێ دكه‌ت.

د وێنەیان دا یێن کو ژ ئالیێ ناڤەندا راگه‌هاندنێ یا ئه‌نجوومه‌نا سه‌ربازییا منبجێ هاتینه‌ به‌لاڤ كرن، دهێته‌ دیتن کو زیانه‌كا مه‌زن ل مالێن سڤیلان بوویە.

سوپایێ ترکیێ ل گه‌ل چه‌ته‌یێن خوه‌ خوە هەروه‌ها تۆپ ل گوندێ مشێرفیێ یێ هه‌رێما شەهبایێ ژی باراندن.