ل ئەنقەرێ تركێن نه‌ژادپه‌رست مالباتەکا کورد ژ مالا وان ده‌رێخست

ل ئەنقەرێ تركێن نه‌ژادپه‌رست مالباتەکە کورد ژ مالا وان ده‌رێخست

نه‌ژادپه‌رستێن ترك، هێرش كرنه‌ مالباته‌كا كورد ل ئه‌نقه‌رێ و پشتی سڤكاتی و گۆتنێن نه‌شرین، ئه‌و ب دارێ زۆرێ ژ مالا وان ده‌رێخستن.

ل ترکیێ هێرشێن نه‌ژادپەرستی ل دژی کوردان ب دوماهی ناهێن، ل ئەنقەره‌ یا پایتەختا ترکیێ ل ناڤچەیا ئەلماداگێ ل تاخا عسمەت پاشا، مالباتەکا کورد كو ژ ناڤچەیا گه‌ڤه‌را سەر ب جۆلەمێرگێ یا باکورێ کوردستانێ یه‌، پشتی سڤكاتی پێ هاتییه‌ كرن، ژ لایێ هنده‌ك نه‌ژادپه‌رستان ڤه‌ هێرش ل سه‌ر هاته‌ كرن و ژ مالا وان هاتنه‌ ده‌رێخستن.

ئه‌و مالباتا کورد ژ داییک و 5 زارۆکان پێك دهێت و دەبارا خوە ب پاقژکرنا مالان دکه‌ن، دوهـی ب شەڤ، جیرانێن وان ب گۆتنێن «کوردێن پیس و تەرۆریست» هێرش كرییه‌ سه‌ر وان و گه‌ف لێ كرینه‌، پاش ئه‌و ب دارێ زۆرێ ژ مالا وان ل وی تاخی ده‌رێخستن.

وێ مالباتا كورد دیار كرییه‌، ئه‌و ده‌ما حه‌فتییه‌كێ بوو جیرانێن وان ئیمزا كۆم دكرن ژ بۆ كو ئه‌و ژ وێ تاخێ بهێن ده‌رێخستن.