ل هه‌ر یێك ژ باژێرێ دیلۆكێ یێ باكورێ كوردستانێ و ستەنبۆلا ترکیێ، هه‌ژمارا 22 كه‌سان ژ ئه‌ندامێن پارتییا ده‌مۆكراتیك یا گه‌لان هاتن گرتن.
ل پارێزگەها دیلۆکێ دوهـ دەمژمێر 18.00 ژ ئالیێ رێخستنا باژار یا هه‌ده‌پێ ڤە، کۆنگرەیەکێ رۆژنامەڤانی ل بەر ئاڤاهییا پارتیێ ژ بۆ شەرمەزارکرنا کوشتنا مالباتا کورد یا ل کۆنیایێ هات ساز كرن.
لێ 2 دەمژمێران پشتی وێ کۆنگرەیا رۆژنامەڤانی، کەسێن ب ناڤێن ئه‌حمه‌د یلدز، ئەرای ئۆچەر، هاسان ئەمرە چەلیک، موسلوم شاهینسۆی، سەرهات کاراهان، مسته‌فا یاشۆدون و ئالپەر کۆلاز کو ئەندامێن ئەنجوومەنا جوانان یا هه‌ده‌پێ بوون، ژ ئالیێ پۆلیسان ڤە هاتن دەستەسەر کرن.
ل گۆر زانیارییان دەما ئەو جوان دچوون بۆ مالێن خوە ژ ئالیێ هێزێن سەر ب دژە تەرۆرێ ڤە رێ ل بەر وان هات گرتن و هاتن دەستەسەرکرن.
هه‌روه‌ها ل باژارێ ستەنبۆلێ ژی 15 ئەندامێن رێڤەبەرێن خوەجهی یێن هه‌ده‌پێ ژ ئالیێ پۆلیسان ڤە هاتن گرتن.
تەشکیلاتا هه‌ده‌پێ یا ل ستەنبۆلێ دوهـ ل مەیدانا ئەسەنیۆرتێ چالاکییەک ساز کر و ژ گەلەک ناڤچەیێن ستەنبۆلێ خەلک چوون بۆ وێ هەرێمێ، لێ پۆلیسان رێ ل بەر کاروانێ ئۆتۆمۆبیلێن کو ژ سولتانگازی دچوون ئەسەنیۆرتێ گرتن و 15 ئەندام و رێڤەبەرێن هه‌ده‌پێ گرتن.
