هێزا پێشمه‌رگه یا باشوورێ كوردستانێ ئیرۆ، هه‌وله‌كا دن یا رێخستنا په‌كه‌كێ ژ بۆ TNT كرنا رێیا نێڤبه‌را كانێ و دێره‌لۆكێ دا ژ ناڤ بر.
ل گۆری چاڤكانیێن پێگه‌ها داركا مازی ل باشوورێ كوردستانێ، ئیرۆ رۆژا پێنجشه‌مبێ5/8/2021ان، هێزا پێشمه‌رگه TNT یه‌كا رێخستنا په‌كه‌كێ ل سینۆرێ قه‌زا ئامێدیێ ب تایبه‌ت ل نێڤبه‌را كانێ و دیره‌لۆكێ دا ژ ناڤ بر.
ده‌ست نیشان كر، رێخستنا په‌كه‌كێ تۆنێله‌ك ل ژێر جاده‌یا سه‌ره‌كی چێكربوو و پڕی TNT كربوو، لێ به‌لێ ئه‌ڤ هه‌ولا وان ژ هێلا هێزا پێشمه‌رگه ڤه هات ژ ناڤ برن.
رێخستنا په‌كه‌كێ ژ سالا رابووری ڤه، ب ته‌رزێ ته‌رۆریستان ناڤچه‌یێن باشوورێ كوردستانێ، ب تایبه‌ت رێیا پێشمه‌رگه‌هان مینرێژ دكه‌ت، د 6 مه‌هێن رابووری ده، ئه‌ڤه جارا هه‌شتێ یه، هێزا پێشمه‌رگه‌هان TNT یێن په‌كه‌كێ ژ ناڤ دبه‌ت.
