رێخستنا په‌كه‌كێ جاره‌كا دی ب ته‌رزێ ته‌رۆریستان TNT و مایین ل گوندێن باشوورێ كوردستانێ دانانه، داوی جار خواست وێ ده‌را ل نێزی سكرێ گوندێ سه‌رگه‌لێ یێ گرێدای دهۆكێ ب ته‌قینیت.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، هێزێن پێشمه‌رگه‌هان یێن باشوورێ كوردستانێ هه‌وله‌كا دی یا رێخستنا په‌كه‌كێ ژ بۆ ته‌قاندنا مایین و TNT یان ژ ناڤ بر، پاش كو دوهـی ئێڤارێ TNT یه‌كا رێخستنێ ل نێزی گوندێ سه‌رگه‌لێ پووچ كری.
ده‌ست نیشان كر، پاش كو په‌كه‌كێ به‌رییا دوو رۆژان ل سه‌ر رێیا كانێ بۆ ئامێدیێ تۆنێله‌ك ل ژێر ئه‌رد چێكری و پڕی TNT كری، دوهی ئێڤارێ هێزا پێشمه‌رگه‌هان TNT یه‌كا دی یا رێخستنێ ل نێزی سكرێ گوندێ سه‌رگه‌لێ ل ناڤچه‌یا دێره‌لۆك و گرێدای ده‌ڤه‌را نهێلێ ژ ناڤ بر.
رێخستنا په‌كه‌كێ ل ڤان مه‌هێن داویێ دانانا TNT یان ل سه‌ر رێیا گوندێن باشوورێ كوردستانێ و رێیا پێشمه‌رگه‌هان بۆ خوه كرییه كار و كه‌سابه‌ت، هه‌ری كێم د 8 مه‌هێن رابووری دا، ئه‌ڤه دبیته TNT یا 9ێ یا په‌كه‌كێ كو ژ هێلا هێزا پێشمه‌رگه‌هان ڤه دهێته پووچ و ژ ناڤ برن.
