پارێزەرێ قوربانی، محەمەد سالح نیکبەخت، دیار کر کو مووەکلێ وی ھەتا نھا دو جاران چوویە بەرامبەری دادگەھا بلندا دادێ یا ئیرانێ و خواستیە دۆسیەیا وی ژ نوو ڤە بهێتە لێکۆلینکرن، لێ بەلێ داخوازێن وان ھەر دو جاران ھاتنە رەدکرن.
نیکبەخت دیار کر حەیدەر قوربانی کو د ئەیلۆنا 2016ێ دا ل کامیارانێ ژ لایێ ھێزێن ئەولەکاریێ یێن ئیرانێ ڤە ھاتبوو بنچاڤکرن، ژ بۆ جێبەجێکرنا سزایی سیدارەدانێ بۆ کامیارانێ هات شاند.
ل ئالیێ دی، رێخستنا لێبۆرینێ یا ناڤنەتەوەیی (ئامنەستی) داخویانیەک دا و دیار کر کو گرتیێ سیاسییێ کورد قوربانی د بن خەتەرەیا دارڤەکرنێ دایە.
د داخویانیێ دا، ھاتە ببیرخستن کو قوربانی، نە ئەندامێ رێخستنەکا چەکدارە و ھەر چەند کو ئەڤ یەک ژ لایێ دادگەھێ ڤە ھاتیە پشتراست کرن ژی لێ بەلێ ب تاوانا شۆرەشا چەکداری یا ل دژی حکوومەتا ئیرانێ، سزایێ دارڤەکرنێ بۆ ھات برین.
د جۆتمەھا 2019ێ دا، تایێ سنە یێ دادگەھا تاوانان ل ئیرانێ حەیدەر قوربانی ب 90 سال زیندانکرنێ مەحکووم کربوو، لێ پاشێ د شوباتا 2020ێ دا سزایێ وی بۆ سێدارەدانێ گوهری.
