لی چیایێ مەتینایێ د ناڤبەرا هێزێن ئارتێشا ترکیێ و گەریلایێن په‌كه‌كێ دا شەر دەرکەت و د ئەنجامێ دە لەشکەرەکی ترکیێ هات کوشتن و یەک ژی بریندار بوو.
وەزارەتا بەرەڤانیا ترکیێ راگهاند کو ل چیایێ مەتینایێ د شەرێ ناڤبەرا هێزێن ئارتێشا ترکیێ و گەریلایێن په‌كه‌كێ دا عه‌سكه‌ره‌ك ترک بریندار بوو و یه‌كێ دن کو ب گرانی بریندار ببوو ژیانا خوە ژ دەست دایە.
وەزارەتا بەرەڤانییا ترکیێ ل سەر مالپەرا خوە یا فەرمی داخویانیەک بەلاڤ کرن و تێدا هات راگهاندن کو گەریلایێن په‌كه‌كێ ل هەرێما کو ئۆپەراسیۆنا “پەنچە – برووسک” دەوام دکە، بارەگەهەکێ وان کرن ئارمانج.
ل گۆر وەزارەتێ لەشکەرێ ب ناڤێ محه‌مه‌د ئۆزتورک ل نەخوەشخانەیا کو لێ هاتییە راکرن ژیانا خوە ژ دەست دایە و لەشکەرێ بریندار ژی راکرن نەخوەشخانەیێ و دەرمانکرنا وی دەست پێ کرییە.
ل ئالیێ دن هێزێن هه‌په‌گێ ژی داخویانییەک بەلاڤ کر و راگهاند کو د 14ێ تەباخێ دا ل دژی لەشکەرێن کو ل هەرێما مەتینا ب جهـ بوونە، چالاکییەک هاتییە لدارخستن.
د داخویانییا هپگێ هات دیار کرن کو د چالاکییا ل دژی گرێ کو لەشکەر لێ ب جهـ بوونە 2 لەشکەر هاتنه كوشتن و یه‌ك ژی بریندار كه‌تییه.
هەروها وەزارەتا بەرەڤانییا ترکیێ ل رۆژا 12ێ تەباخێ راگهاندبوو، د ئێریشه‌كا ئارتێشا تركیێ دا، 3 گه‌ریلایێن په‌كه‌كێ هاتنه ئارمانج گرتن و جان دانه.
