پێشمەرگە تونێلەکا داعشێ تەقاند

پێشمەرگە تونێلەکا داعشێ تەقاند

ھێزێن پێشمەرگە د ئۆپەراسیۆنەکێ دا، ل ناڤچەیا د ناڤبەرا کفری و خورماتوو دا تونێلەکا مەزنا چەکدارێن داعشێ تەقاند. ل خانەقینێ ژی چەکدارەکێ حەشدا شەعبی ھات کوشتن.

پەیامنێرێ K24ێ دا زانین، شەڤا بۆری ھێزا ئالتۆنی یا پێشمەرگەیێن کوردستانێ ب هاریکاریا ھێزێن ھەڤپەیمانیا ناڤدەولەتی، تونێلەکا مەزنا چەکدارێن داعشێ د ناڤبەرا کفری و خورماتوو دا تەقاند.

پەیامنێرێ مە دەستنیشان کر، پشتی کو ھێزا پێشمەرگە گھیشتن وێ ناڤچەیێ، چەکدارێن داعشێ رەڤیان. پێشمەرگەیان ژی دەست دانا سەر ھەژمارەک ژ چەک و تەقەمەنیێن کو داعشێ ل شوونا خوە هێلانە و تونێل تەقاند.

د وێ دەربارێ دا ژی، فەرماندارەکێ پێشمەرگە ژ K24ێ را دیار کر، ئۆپەراسیۆن ب سەرکەفتی ھاتیە ئەنجامدان و چ شەر و پەڤچوون ل گەل چەکدارێن داعشێ دا روو نەدایە.

ھەڤدەم ژی، ھێزێن ئیراقی ل سنۆرێ خانەقینێ دەست ب ئۆپەراسیۆنەکێ کر و د ناڤبەرا وان و داعشێ دا شەر دەرکەت، د ئەنجامێ دا ژی چەکدارەکێ حەشدا شەعبی ھاتە کوشتن و 4 چەکدار ژی بریندار بوون.

پوستێن ھەمان بەش