یه‌به‌شێ ل شه‌نگالێ ئێریشا تیما رووداوێ كر
چه‌كدارێن یەکینەیێن بەرخوەدانا شه‌نگالێ یه‌به‌شێ یا گرێدای په‌كه‌كێ ئیرۆ ئێریشی سەر تیما كه‌نالا رووداوێ کرن و پەیامنێرێ رووداوێ یێ ب ناڤێ تەحسین قاسم ژی بریندار کرنە.
ئیرۆ رۆژا سێشه‌مێ 17/8/2021ان، چه‌كدارێن یه‌كینه‌یێن به‌رخوه‌دانا شه‌نگالێ كو ب باسكێ په‌كه‌كێ یێ شه‌نگالێ تێن حه‌ساب كرن، ئێریشا تیما رووداوێ كرن و په‌یامنێرێ وان یێ دهۆكێ یێ ب ناڤێ ته‌حسین قاسم بریندار كرنه.
تیما رووداوێ ژ بۆی روومالا روومالا بۆمبەبارانکرنا بنکەیا تەندورستیێ یا یه‌به‌شێ چوو بوو شه‌نگالێ، لێ به‌لێ چه‌كدارێن یه‌به‌شێ ئێریشا وان كر، ئه‌ره‌به‌یا وان شكاند، كامیره و كه‌ل و په‌لێن تیما رووداوێ ژی ب خوه ره برنه.
باله‌فرێن تركیێ ئیرۆ دبستانا گوندێ سكێنیێ یێ نێزی شه‌نگالێ بۆردۆمان كر، چه‌كدارێن یه‌به‌شێ ئه‌ڤ دبستان وه‌كه نه‌خوه‌شخانه ب كار تینا، مه‌دیایا په‌كه‌كێ ژی دگۆ باله‌فران نه‌خوه‌شخانه‌یا شه‌نگالێ هه‌ده‌ف كرنه، ژ بۆ كو جینایه‌تا ده‌ست دانینا خوه یا سه‌ر دبستانێن شه‌نگالێ ب په‌چنه.
رێخستنا په‌كه‌كێ نه ته‌نێ ل دژی ئازادییا راده‌ربرینێ، فكر و مه‌دیایا ئازاده، به‌لكو هه‌ر كه‌س و ئالیێ ل دژی وێ ب ئاخڤه، یان راستییا بوویه‌ران وه‌كه هه‌یی ژ خه‌لكی ره ببێژه، ژ هێلا چه‌كدارێن په‌كه‌كێ ڤه راستی ئێریشان تێ.
ل مه‌ها رابووری ژی چه‌كدارێن یه‌به‌شێ ناسر عه‌لی به‌رپرسێ ئۆفیسا رووداوێ ل دهۆكێ ل شه‌نگالێ ده‌سته‌سه‌ر كر بوو، لێ به‌لێ پشتره ب هه‌ولێن ئارتێشا ئیراقێ هات ئازاد كرن.
