هێزێن سەر ب ترکیێ ڤە گوندێن تل تەمرێ دان بەر تۆپان

تل تمر-til temir-turk-army-milise (2)

د ئەنجاما ئێریشێن هێزێن ترکیێ ل سەر گوندەوارێ حەسەکێ دە، 14 کەسێن سڤیل هاتن کوشتن و بریندارکرن.

رەوانگەها سووری یا مافێن مرۆڤان بەلاڤ کر، ئارتێشا ترکیێ و گرووپێن چەکدارێن سەر ب وێ ڤە، دوهی گوندێن سەر ب تل تەمر و زرگانێ ڤە تۆپباران کرن.

ل گۆر زانیاریێن رەوانگەهێ، د ئەنجاما تۆپبارانێ دە ژنەک و زارۆکا وێ هاتن کوشتن و 12 کەسێن دن ژی بریندار بوون، د ناڤا برینداران دە ژن و زارۆک ژی هەنە.

رەوانگه‌هێ دەستنیشان کر ژی، ژ ترسا ئێریش و تۆپبارانێ، ب دەهان مالباتان مالێن خوە هشتن و کۆچبەر بوون.

پێر ژی گرووپێن سەر ب ترکیێ ڤە گوندێن دردارا و تل شنانێ یێن ل گوندەوارێ تل تەمرێ و وەستگەها ئەلەکتریکێ یا تل تەمرێ دابوو بەر تۆپان و و زیان تەنێ مادی بوون.

پوستێن ھەمان بەش