مروڤ پشیكێ ب چ ئاوا باڤێژە وێ پشیک ههر بکەڤە سهر دەست و لنگێن خوە، مروڤێ کو ئەساسا وی یا فکری ئیسلاما توندرهو ژی بە چ بكه وێ ههر كهسهكی توندرەو بە.
كهسێن وەکە سیاسهتمهدارێ باشورێ کوردستانێ ئێ ب ناڤێ ( ئهبوبەكر ههلهدنى ) چ کنج ل خوە بکە، چ قاس بۆینباغا “کاراڤات” ل ستوویێ خوە بکە و چ قاس هەول بدە وەکە کەسەک نۆرمال و سەردەم خوەیا بکە ژی وێ ههر كهسهك فوندامەنتالیست “فاناتیک، توندرەو” بمینە، كهسێ فوندامەنتالیست “فاناتیک” وێ دبینە یا کو ئهو هزر دکە، نه یا کو چاڤێ وى دبینە، ئانگۆ مروڤێ فوندامەنتالیست “فاناتیک” و ئایدۆلۆجی نە پیدڤی ههبوونا چاڤانە، ژ بەر کو کەسێن ب ڤی ئاوا چاڤ ههبن یا نهبن ت جوداهیەک تونەیە و ئەو وێ هەر وێ ببینە یاکو د سەرێ وی دە هاتیە چاندن.
ل رۆژا 22/8/ 2021 كهكێ مەسعوود بارزانى داخویانیهك نڤیسکی دەربارێ ئهفغانستان و كوردستانێ پارڤەکر و تێدە راگهاند، کوردستان نە وەکە ئەفغانیستانێ یە.
دهما كهسێن وەکە ئهبوبەكر بهیستی كو كهكێ مەسعوود بارزانی داخویانیهك دایە، یهكسهر تانسیۆنا خوینێ یا ڤى نیڤ مرۆڤى بلند بوو، سەرێ وی ئێشیا و وەکە هەرتن تەڤ تشت تەڤلیهەڤ کرن و بێ کو بچە خوە وەستینە و بزانە كهك مەسعوود چ گۆتیە، هات و راستەراست مینا گایێن ئیسپانی یێن دەما پارچەیەک سۆر دبینن ئێریشی سەر دکن، ئێریشی سەر بارزانی کر و گۆت، ( بارزانی د داخویانیا خوە دە باسی وان داستان و بەرخوەدانانکر یێن کو پێشمەرگەیێن پەدەکێ تێدە بەشدار بوویی، بارزانی ب تەنێ باسی داستانا کورێ، سحێلا و پردێ کر، وی ب ت ئاوا باسی وان داستانان نەکر یێن کو ل سەر دەستێ پێسمەرگەیێن پارتیێن دن وەکە یەنەکێ هاتینە ئەنجام دایین).
ئهز وهكە كوردهكی باكورێ کوردستانێ نەچارکرم كو هەرم ب هوورگلی داخویانیا كهكێ مەسعوود بارزانی بخوینم و بزانم چهوا راستی ڤێ شاشیا کوژەک هاتیە! لێ پشتى کو من هن جارا داخویانیا بارزانی خواندى ئەز گهیشتم وێ باوهرێ كو ئهبوبەكر ههلهدنى، یان مرۆڤهك پر نهزانه د دیرۆکا كوردان دا، ئانگۆ ب تەنێ ئەو هایداری شەرێن وەکە ( ئوحد و بدر و قادسیه ….) یە! یان مروڤهك نەخوەشە و پێدڤیا وی ب دختورێن پیسکۆلۆژی هەیە، ئەز ب باهوهرم د ڤی واری دە ل باشوورێ کوردستانێ دختورێن پڕ باش ژی ههنه.
